Sunday, September 20

रविन्द्र मिश्रको कडा जवाफ: निर्मलाका परिवारलाई भेटेर दिए यस्तो सुझाव (भिडियो सहित)

जगदिश गिरी महेन्द्रनगर: बलात्कार पछि हत्या गरिएकी भीमदत्त नगरपालिका २ उल्टाखामकी १३ वर्षीय बालिका निर्मला पन्तको परिवारलाई आज विवेकशील साझा पार्टीका संयोजक रविन्द्र मिश्रले भेटेका छन् । विवेकशील साझाका अन्य नेताका साथमा अएका मिश्रले अहिले सम्म अपराधी पक्राउ पर्न नसक्नु दुखद भएको बताए ।

निर्मलाको न्यायका लागि सिंगो देशनै लागि लागि परेको छ , घटनाका दोषी उम्किन नपाउन् भनेर आफुहरु पनि लागि परेकाञे छौं । कहाँ कस्तो सहयोग चाँहिन्छ त्यहाँ आफुहरु पनि गर्न तयार रहेको बताए । उनले मृतकका आमाबुबा दुर्गा देवि पन्त र यज्ञराज पन्त लाई मन जसरी दरो बनाएर लागि पर्नुभएको छ त्यसरिनै लागि पर्नुस् मनलाई कमजोर नबनाउन भने ।

मिश्रले निर्मलाका आमाबुबालाई अबका दिनमा बलात्कृत एक निर्मलाका लागि मात्र नभएर सयौं निर्मलाका लागि न्यायिक लडाइ लड्नु पर्ने बताए । सरकारले यसरी गैरजिम्मेवारी पन देखाउन नहुने बताए । सरकारको चौतर्फीक आलोचना भइरहेका बेला मिश्रले पनि सरकारले दोषीलाई उम्काउन तर्फ लागेको संकेत गरे । “प्रधानमन्त्री ओलीले अपराधी १२ बर्षपछि पक्राउ पर्न सक्छ भनेर दिएको अभिव्यक्ति लज्जास्पद रहेको छ”।

देशको जिम्मेवार व्यक्तीले गैरजिम्मेवारीपन देखाउनु दुखद भएकोे उनले बताए” । गत ११ साउनमा होमवर्क गर्न साथीको घर गएकी निर्मला पन्तको शब भोली पल्ट नजिकैको उखुबारीमा बलात्कार पछि हत्या गरिएको अवस्थामा फेला परेको थियो । बलात्कार पछि हत्या गरिएकी पन्तका हत्यारा अझै सम्म पक्रउ पर्न सकेका छैनन्। भिडियो हेर्नूहोस।