Saturday, September 26

नयाँ सरकारको मन्त्रीहरुलाई सिधाकुराः ‘आफ्नो कार्यकाललाई स्वर्णिम बनाउन तपाँईलाई हाम्रा भन्दा जानेका राम्रा मान्छे चाहिन्छ’ भिडियो सहित

नयाँ सरकारले पुर्णता पाउँदै गर्दा केही कुरा राख्न चाहन्छु । अब केही दिनमा मन्त्रीहरु थपिने छन् र सँग सँगै सल्लाहकारहरु पनि देखा पर्नेछन् ।

मुलुक बनाउन मन्त्री भन्दा मन्त्रीका सल्लाहकारको भुमिका महत्वपुर्ण हुन्छ । स्वकिय सचिवहरु त झन २४ घण्टा सँग सँगै हुन्छन् । मन्त्रीसँग कसको भेट गराउने कसको नगराउने भन्ने ताला चाबी उहाँहरुको हातमा हुन्छ ।

एउटा अनौठो प्रसंग, आजसम्म कुनै पनि मन्त्रीले आफ्नो रानीतिक दलको कार्यकर्ता वा फलोअर बाहेक अर्को दलको वा कुनै दलमा विश्वास नगर्ने स्वतन्त्र व्यक्तिलाई सल्लाहकार वा स्वकिय सचिव राखेका छैनन् ।

विज्ञता पार्टीको झण्डाले दिदैन, अध्ययन, रिसर्च, अनुभवले दिन्छ । मुलुक बनाउन भनेर प्रतिवद्ध भएको नेताले आफ्नो सोचको दायरालाई फराकिलो पार्नुपर्छ । आफ्ना परिवार कार्यकर्ता र समर्थकलाई मन्त्री भैसकेपछि बोलाएर धन्यवाद दिनुपर्छ र आफ्नो कार्यकाल भरी आफ्नो वरिपरी नबसेर सहयोग गरिदिन अनुरोध गर्नु पर्छ ।

सम्बद्ध मन्त्रालयसँग सम्बन्धित बिषयमा स्वदेश तथा विदेशमा समेत अध्ययन गरेका, काम गरेका, अनुभव बटुलेका, केही गर्छु भन्ने उत्साह, संकल्प ,इनर्जी, ज्ञान, उमेर भएकाहरुलाई खोजी खोजी ल्याएर त हेर्नुस, त्यसपछि देखिन्छ देशमा देखिने गरी परिर्वतन ।

तपाईको कार्यकाललाई स्वर्णिम बनाउन तपाईलाई हाम्रा भन्दा जानेका राम्रा मान्छे चाहिन्छन् । पढेर वा परेर जानेकाहरुलाई वरिपरी नराख्नाले, सवका सब विग्रिएको हो । एक पटक खुल्ला प्रतिस्पर्धाबाट सल्लाहकार स्वकिय सचिवहरुको अन्तरवार्ता माग गरी त हेर्नुस् ।

स्वदेशबाट मात्र होइन विदेशबाट समेत विश्व विख्यात युनिभर्सीटीका ग्राजुयटहरु लाइन लागेर आउने छन् । मातृ भुमीको सेवा गर्न पाए विदेशको करोडौ माया मारेर देशको लाखमा रमाउने देश भक्त नेपाल आमाका सपुत सन्तानहरु एक से एक कम्पनीमा विश्वभर छरिएर बसेका छन् ।

देशले एक पटक बोलाई मात्र हेरोस् भोली विहानको पहिलो फ्लाइट समाएर आउने छन् युवाहरु । मन्त्रीहरु भनेको जहिले पनि स्मार्ट, इन्टेलिजेन्सहरुबाट घेरीएर बस्नुपर्छ । वरिपरी इन्टेलीजेन्सहरु नभएको मन्त्री कहिले पनि सफल हुँदैन ।

कुनै दिन चुनावमा सघाउने, घर, पार्टीको काम अराउँदा हस हजुर भन्ने यस म्यान राखेर देशको यत्रो मन्त्रालय चल्छ ?
बोल्ने तमिज सिक्नु प¥यो, भाषामा कमाण्ड हुनुप¥यो, हेर्दै फ्याउरे, हाँस्न नजान्ने, मिठो बोल्न प¥यो भने पैसा लिनु पर्ला जस्तो गर्ने, चिरी च्याट्ट लुगा लगाउन नजान्ने, एउटा केटो च्यापेर आफ्नो बिषेश मान्छे बनाउन बन्द गर्नुपर्छ ।

सबैलाई भनेको होइन तर धेरै जसो मन्त्रीका पुराना विश्वास पात्रहरुको साँठगाँठ केही व्यापरी, विचौलीयाहरुसँग भएकै हुन्छ । पुरानै मान्छे राख्ने हो भने तिनलाई नयाँ फोन नम्बर दिउँ, नयाँ इमेल दिउँ र फोन र इमेलको रेकर्ड र कल डिटेल्स प्रत्येक दिन प्रिन्ट गरेर मन्त्री ज्युले हेर्ने वातावरण मिलाउ ।

तर मन्त्री आँफैलाई घुस चाहिएको छ र उहि पुरानो मान्छे भयो भने कसैले थाहा नपाउने गरी आफ्ना पोपलिटीकल अकाण्टमा पैसा हाल्दीहाल्छ भन्ने हो भने जे छ ठिक छ ।

मुलुक बदल्ने हो भने वरपरका मान्छे बदलौ । जान्नेलाई छान्ने हो भने बर्ष दिनमा देशको काया पलट हुन्छ ।

साभार :-न्युज२४नेपालबाट ||