Wednesday, August 4

बालुवाटारबाट निस्किए ओली आफ्ना समर्थकलाइ हात हल्लाउदै मागे बिदाई

2021-07-14 168

निवर्तमान प्रधानमन्त्री केपी शर्मा ओली सरकारी निवास बालुवाटार छोडेका छन्। सर्वोच्च अदालतले नेपाली कांग्रेसका सभापति शेरबहादुर देउवालाई संविधानको धारा ७६ को ५ अनुसार प्रधानमन्त्री नियुक्त गर्न परमादेश दिएपछि पदमुक्त भएका ओलीले बुधबार बिहान साढे ११ बजेतिर बालुवाटार छोडेका हुन्।

उनी बालुवाटारबाट निस्कँदा गेटदेखि नै नारा-जुलुस गरिएको थियो। ‘अघि बढ ओली बा, प्राण दिन तयार छौं, केपी ओली हाई हाई’ लगायत नारा लगाइएको छ। ओलीको कार्गेटलाई युथ फोर्सका कार्यकर्ताले मोटरसाइकल र
हर्न बजाएर सवारी चलाउँदै उनीहरूले नाराबाजी गरिरहेका छन्। उनीहरूले गाडीमा केपी ओलीको डमी पनि बोकेका छन्। झन्डै ४१ महिनापछि बालुवाटारबाट बाहिरएका ओलीलाई कौशलटारमा नागरिक अभिनन्दन गरिने भक्तपुरका सांसद महेश बस्नेतले जानकारी दिए।

यस्तै अरु कार्यकर्ताहरु पनि उनको बिदाईमा बालुवाटार पुगेका छन्। सर्वोच्चको आदेशबाट पद मुक्त भएका ओलीले सोमबार राष्ट्रका नाममा सम्बोधन गर्ने क्रममा अदालतको आदेशको आलोचना गरेका थिए।

प्रतिकृया दिनुहोस्